Nos prome embahadora

Mi nomber ta Matsy van Oers. Ora nan a puntra mi si mi kier a bira embahadora y asina ta parti di e tremendo iniciativa aki mi no mester a pensa dos biaha.

Como directora di e hospice na Aruba mi sa con bunita e ta pa por haci algo bon pa hende den e ultimo fase di nan bida.

Fundashon Ultimo Deseo Aruba ta yuda hende cu pa motibo di nan enfermedad ta mara na nan cama.

Pasa na bo cas un ultimo biaha, un biaha mas bay lama, un ultimo biaha bay un fiesta den famia… Esaki ta eventonan cu ta duna bida di hende terminalmente malo un colo mas bunita y ademas recuerdonan inolvidabel pa nan sernan keri.

P’esey mi ta pidi na un y tur pa duna sosten na Fundashion Ultimo Deseo Aruba, na cua manera cu ta, pa nan por realisa pa mas hopi hende posibel un ultimo deseo.

Pues, bin apoya FUDA, y yuda realisa mas deseo!