Exclusion di Responsabilidad

Fundashon Ultimo Deseo Aruba (despues menciona como “FUDA”), legalmente estableci na Aruba y representa pa Sra. R.J. Raven, Presidente, ta un fundacion cu e meta di cumpli cu deseonan pa personanan cu ta terminalmente malo y/of na cama y ta depende di transporte di ambulance.

 

Pa cumpli cu deseonan cu ta rekeri transporte medico, FUDA por uza e servicionan di otro instancianan cu ta encarga cu e transporte di ambulance.

 

Si e peticionario a entrega un deseo na FUDA pa wordo cumpli, sea den presencia di un enfermero of no, e peticionario mester firma tambe un declaracion di ‘exclusion di responsabilidad’. E proposito di esaki ta pa garantisa cu e personanan y organisacionnan, cu ta haci un esfuerso completamente boluntario pa cumpli cu e deseo di e peticionario, no ta responsabel si algo bay robes inesperadamente. E aplicante mester declara den un documento tocante ‘exclusion di responsabilidad’ cu e ta mentalmente competente y completamente consciente di e posibel riesgonan, consecuencianan medico y deterioro potencial di su condicion di salud cu por resulta di participacion den e actividadnan describi.

 

Door di firma e documento aki, e aplicante ta declara expresamente na nomber di su mes y su sucesornan legal:

• Cu tur participacion ta tuma luga completamente pa riesgo di e peticionario;

• Cu FUDA, su directiva y su boluntarionan bou di ningun circunstancia lo wordo teni responsabel pa:

  • lesion, daño na salud of morto;

  • daño material of inmaterial;

  • complicacionnan medico cu ta surgi durante of despues di cumplimento di e deseo.

  • Cu e chauffeur(nan) y e ekipo di ambulance uzá no por wordo teni responsabel pa ningun forma di daño of complicacion relaciona cu ehecucion di e deseo of e transporte. 

• Cu FUDA y e instancia cu ta pone un ambulance disponibel ta hunga un rol di sosten exclusivamente den cumplimento di e deseo y no     ta acepta ningun responsabilidad of duna ningun garantia pa loke ta trata e seguridad, condicion medico of resultado di e actividad.

• Cu e peticionario y su sucesornan legal lo indemnisa y tene FUDA, su directiva, y tur persona auxiliar contrata pa FUDA inofensivo contra tur posibel demanda di cualkier persona, directamente of indirectamente relaciona cu cualkier daño cu e peticionario por sufri of a sufri durante, of como resultado di ehecucion di su deseo.

 

E declaracion aki ta wordo traha den duplicado y firma pa aprobacion di e persona concerni y e partidonan na nomber di e peticionario.

E declaracion ta co-firma pa un testigo designa pa e peticionario.