Mucho gusto….

Mi nomber ta Renate Raven (Presidente) y hunto cu Shariënne Winterdaal (Secretario) nos a cuminsa e aventura di lanta Fundashon Ultimo Deseo Aruba. Na Hulanda y Corsou ya caba tabata tin un fundacion similar y cu orguyo awo nos por a lanta e fundacion aki na Aruba.

Ya cu transparencia ta hopi importante pa nos na Aruba, nos a dicidi for di trempan cu nos tin mester di un Tesorero independiente cu experiencia amplio y experticio financiero pa duna nos bon guia den esaki. Pasobra nos a haya Frans Gerritsen pa e funcion aki, nos por dedica nos tempo na otro asuntonan importante.

T’asina cu nos kier trece alegria pa personanan na Aruba cu ta na cama y terminal. Personanan cu ta den un fase sumamente dificil di nan bida pa kendenan un solo biaha nos por haci nan ultimo soño of deseo bira realidad sin cobra nada. Hopi biaha ta trata di deseonan chikito pero di balor invaluable pa nan, pero cu pa motibo di nan mobilidad limita normalmente lo no por cumpli mas. Y no solamente anan, sino tambe nan sernan keri lo keda cu recuerdonan bunita.

Y ta esey ta conta y ta p’esey nos ta hacie. Nos ta spera cu Aruba lo duna nos e oportunidad pa yuda mas hopi hende posibel!

Anto si bo conoce un hende cu nos por yuda cumpli un ultimo deseo, e ora ey yena e formulario di deseo riba nos website. Of si bo kier apoya nos, check nos pagina di donacion.