Despedida di Sharii Winterdaal como miembro di directiva di FUDA

Dia 1 di januari 2025 nos a despidi di Sharii Winterdaal kende tabata miembro fundador

di directiva di Fundashon Ultimo Deseo Aruba (FUDA) den funcion di Secretario. For di comienso di e fundacion Sharii a hunga un rol esencial como Secretario y el a duna un contribucion valioso na e lantamento y desaroyo di nos fundacion.

Sharii a manifesta su intencion di busca otro rumbo den su carera, algo cu nos como directiva ta respeta aunke nos lo haya su falta dentro di nos directiva.

Sin embargo, Sharii lo keda envolvi cu Team FUDA, esta den su rol nobo como boluntario. Sharii lo guia e ekipo di enfermeronan y hunto cu Paula, Saskia, Wileen, Leo, Julieta

y Rowald, e lo contribui activamente ora di cumpli e deseonan di personanan na Aruba

cu ta terminal of na cama.

Directiva di FUDA kier expresa su aprecio y ta gradici Sharii pa su esfuersonan durante

su tempo den directiva. Directiva di FUDA ta desea Sharii hopi exito den e paso nobo den

su carera y ta spera di por sigui probecha di su compromiso pa cu actividadnan futuro di

FUDA.