Descubri nos foyeto nobo!

FUDA ta contento di presenta nos foyeto nobo bilingual tanto na Hulandes como na Papiamento. E publicacion aki ta resalta nos dedicacion na e cumplimento di e ultimo deseonan di Arubiano terminal y na cama. Nos mision ta alivia momentonan dificil cu un rayo di alegria y recuerdonan inolvidabel.

Den nos foyeto nos ta presenta nos mes y nos ta duna splicacion di loke FUDA ta haci y con FUDA ta cumpli deseonan special y con por solicita un deseo.

Danki na e sosten di boluntario y donante nos kier laga e hendenan aki un biaha mas gosa di momentonan valioso.

Lesa tocante e iniciativanan inspirador y con abo tambe por contribui na e realisacion di e soñonan aki.

Sea door di haci donacion, organisa un actividad pa recauda fondo, sea door di haci trabou boluntario, cada contribucion ta yuda haci un diferencia den bida di otro hende.